தமிழ் நீ!

தமிழ் எழுத்துக்களில்

உயிர் எழுத்துக்கள்

பன்னிரெண்டிலும்

மெய் எழுத்துக்கள்

பதினேட்டிலும் 

உயிர்மெய் எழுத்துக்கள்

இருநூற்றி நாற்பதிலும்

எனக்கு மிகவும் பிடித்த

எனக்கு சொந்தமான

ஒரு வார்த்தை 'நீ'

அதிகாலை

அதிகாலை நேரம்

ஆரவாரம் இல்லா சாலை

நடை பயிலும் மக்கள்

சிலர் ஓட்டமுமாக

விடிந்தது தெரியாமல்

விழித்தேயிருக்கும் தெருவிளக்குகள்

மெல்லியதாய் காற்று

மர இலைகளை வருடிப் போகும்

இரவுக்கு விடைக் கொடுத்து

பகலுக்கு பதில் தேடும் சூரியன்

சின்னதாய் புன்னகைத்து

தொடங்குங்கள் நாளிதை!

மழைத் துளிகள்

மேகத்தின் மீது

கல் எறிந்தது யாரோ

கண்ணாடியைப் போல

உடைந்து கொட்டுகிறது!

Image credit: google/owner

நினைவிருக்கும் வரை

கொஞ்ச தூரம் தான் நடந்திருப்பேன்


எதோ ஒன்றை மறந்ததை

மனது உணர்த்த

மறுபடியும் உன்னிடம் வந்தேன்


என்ன என்று நீ புன்னகைத்து

கொண்டே கேட்க

எதுவும் சொல்லாமல்

உன்னையே நான் பார்க்க


மறுபடியும் என்ன என்று நீ

காரணம் புரியாமல்கேட்க

'பேருந்துக்கு சில்லரை இல்லை' என்று

உன்னிடம் பணம் வாங்கி சென்றது

இன்றும் நினைவிருக்கிறது

கண்டிப்பாக கொடுத்துவிடுகிறேன்

நீளமான கவிதை

ஹைக்கு கவிதைகளையே
எழுதிப்பழகிய நான்
கொஞ்சம் அதிகமாக எழுத
ஆசைப் பட்டு


எதை எழுதுவது என்று
புரியாமல்
ஏதோ எழுதுகிறேன்
அவசர அவசரமாக


இன்னும் வார்த்தைகள் சரியாக
புலப்படவில்லை என்றாலும்
பத்து வரிகளுக்குமேல் எழுதிவிட்டேன்
ஆஹா! எனக்கும் எழுத வருகிறது
நீளமான கவிதை